молитва господи благослови меня на всякий час

Молитвы перед началом и по окончании всякого доброго дела

Ц арю́ Небе́сный, Уте́шителю, Ду́ше и́стины, Иже везде́ сы́й и вся́ исполня́яй, Сокро́вище благи́х и жи́зни Пода́телю, прииди́ и всели́ся в ны́, и очи́сти ны́ от вся́кия скве́рны, и спаси́, Бла́же, ду́ши на́ша.

Тропарь, глас 4-й

Т во́рче и Созда́телю вся́ческих, Бо́же, дела́ ру́к на́ших, ко сла́ве Твое́й начина́емая, Твои́м благослове́нием спе́шно испра́ви, и на́с от вся́каго зла́ изба́ви, я́ко еди́н всеси́лен и Человеколю́бец.

Кондак, глас 3-й

С ко́рый в заступле́ние и кре́пкий в по́мощь, предста́ни благода́тию си́лы Твоея́ ны́не, и благослови́в укрепи́, и в соверше́ние наме́рения блага́го дела́ рабо́в Твои́х произведи́: вся́ бо, ели́ка хо́щеши, я́ко си́льный Бо́г твори́ти мо́жеши.

Молитва

Г о́споди, Иису́се Христе́, Сы́не Единоро́дный Безнача́льнаго Твоего́ Отца́, Ты́ бо ре́кл еси́ пречи́стыми усты́ Твои́ми, я́ко без Мене́ не мо́жете твори́ти ничесо́же. Го́споди мо́й, Го́споди, ве́рою объе́м в души́ мое́й и се́рдце Тобо́ю рече́нная, припа́даю Твое́й бла́гости: помози́ ми́, гре́шному, сие́ де́ло, мно́ю начина́емое, о Тебе́ Само́м соверши́ти, во и́мя Отца́ и Сы́на и Свята́го Ду́ха, моли́твами Богоро́дицы и все́х Твои́х святы́х. Ами́нь.

Б лагослови́, Го́споди, и помоги́ мне́, гре́шному, соверши́ть начина́емое мно́ю де́ло, во сла́ву Твою́.

Молитва по окончании дела

И сполне́ние все́х благи́х Ты́ еси́, Христе́ мо́й, испо́лни ра́дости и весе́лия ду́шу мою́ и спаси́ мя́, я́ко еди́н Многоми́лостив, Го́споди, сла́ва Тебе́.

Д осто́йно е́сть я́ко вои́стину блажи́ти Тя́ Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя́ велича́ем.

Источник

Православные молитвы, которыми молились подвижники келейно

Молитвы с тремя поклонами, как встанешь с постели утром:
Господи, благослови ми день сей прейти без греха и во вся дни живота моего не остави меня, да не погибну аз окаянный. (Поклон)
Пресвятая Госпоже Владычице Богородице, не остави мя от заступления Твоего, да в день сей, и во все дни живота моего, аз окаянный не погибну. (Поклон)
Ангеле Божий, Хранителю мой святый, сохрани мя в день сей без греха и во все дни живота моего от всякого злоключения, да за беззакония моя аз окаянный не погибну. (Поклон)

Когда проснешься, скажи: Слава Тебе Христе Боже мой, что Ты не погубил меня с беззакониями моими, но до сего времени еще Ты терпишь грехам моим. Дай мне, Господи, положить начало доброе, дабы в этот наступивший день ни делом, ни мыслию, не прогневать Тебя, Создателя моего, но чтобы все дела, желания, советы и мысли были во славу Пречистого Твоего Имени.

Перед молитвами: Господи, благослови меня принести Тебе молитвы и моления моя Твоему благоутробию о моем ничтожестве.

Утренняя молитва: Тебе Богу и Творцу моему в Троице Святей славимому Отцу и Сыну и Святому Духу, поклоняюся и вручаю душу и тело мое, и молюся: Ты мя благослови, Ты мя помилуй, и от всякого мирского, диавольского, и телесного зла избави. И даждь в мире без греха прейти день сей, во славу Твою, и во спасение души моея, Аминь.

Начало молитв (преподобного Симеона Нового Богослова): Я недостоин, Господи, говорить перед Тобою, потому что весьма грешен.

О тех, которые тебе сделали зло: Молю Тебя, Господи, особенно о тех, которые меня чем-либо обидели и опечалили или какое-либо зло сделали, не наказывай их меня ради грешного, но пролей на них благодать Твою.

О тех, которым ты сделал зло: Господи, молю Тебя о всех, которых я, грешный, опечалил, обидел или соблазнил словом, делом, помышлением, ведением или неведением, не остави их Твоею милостью, помоги им и спаси их.

Молитва по призванию святых: Боже Святый и на Святых почивая, воспоминая Святых Твоих и их богоугодное похваляя житие, Тебе Самого, в них действовавшего, прилежно молю Тя: даждь мне грешному последовать их учению, житию, привету, вере, долготерпению, любви, и их молитвенным пособием, паче же Твоею вседействующею благодатию, небесныя с ними сподобиться славы и хвалить Пресвятое Имя Твое, Отца и Сына и Святаго Духа во веки. Аминь.

Пред чтением Слова Божиего: Открой, Господи, очи мои, и уразумею чудеса от Закона Твоего. Странник я на земле, не скрывай от мене заповедей Твоих.

Перед входом в храм Божий: Господи, вниду в дом Твой, поклонюся ко храму святому Твоему, во страсе Твоем.

При начатии всякого дела: Господи, благослови мне дело сие начатии, пошли помощь Твою святую, да возмогу его свершить.

По назидательной беседе: Господи! Не осуди меня говорившего сие!

О человеке, который оскорбил: Господи, святыми молитвами его даждь мне смирение и терпение.

О том, кто говорил худо о тебе: Господи, Иисусе Христе, помилуй сего брата и меня непотребного раба Твоего и покрый нас от лукавого молитвами святых Твоих;

Господи, помоги мне исправиться.

Против вражьего страха: Господи, от страха вражьего изми душу мою.

На блудные помыслы: Помилуй мя, Господи, яко немощен есмь.

Во время искушения: Господи, избави мя от всякого искушения.

При успехе в работе и при радостном известии о чем-либо: Слава Тебе Боже, Слава Тебе Боже, Благодетелю мой, во веки веков.

При выходе из дома в путешествие или на работу, обращая лицо к иконам: Господи, направи ко благу путь мой.

В скорби (духовный рецепт святителя Игнатия Брянчанинова): Слава Тебе, Боже мой за посланную скорбь; достойное по делам моим приемлю; помяни мя Господи во Царствии Твоем!

Когда приносишь молитву за других: Господи, благослови меня принести молитвы и моления Твоему Благоутробию о моем ничтожестве и о всех моих родных и знаемых, как здравствующих, так и почивших, за коих Ты умер на кресте.

Святителю Николаю: Святителю Божий, Угодниче Христов Николае! За нас не премолчи, вопия ко Владыце всех, Емуже предстоиши со всеми святыми.

Молитва схимницы: Господи, спаси всех от первого до последнего, введи в Царствие Небесное всех питающихся пречистою Кровью Твоею, помилуй создание Твое и прости мои грехи и верующих во имя Твое святое.

Преподобного Силуана Афонского: Господи Милостивый, Духом Святым научи нас смирению Твоему.

О молитве: Научи мя, Господи, усердно молиться Тебе со вниманием и любовию, без которых молитва не бывает услышана. Да не будет у меня небрежной молитвы во грех мне.

В начале молитвы: Боже, милостив буди мне грешному и непотребному рабу Твоему.

Молитва старца Феодора Санкаретского: Господи, отпусти мне мои согрешения и не лиши меня Твоего милосердия, даруй мне победу и одоления на врага и на все страсти.

Молитва святителя Иоасафа Белгородского: Буди благословен день и час, в оньже Господь мой Иисус Христос мене ради родися: распятие претерпе и смертию пострада.

Когда уныние найдет на душу: Господи, Боже мой, изми мя от уст пагубного змия, зияющего пожрети мя и совести во ад жива.

Во время душевных волнений: Сыне Божий, помилуй мя грешного! Пресвятая Богородице, помози ми! Не остави мене! Умоли Сына Твоего о мне грешном!

Когда что сделаешь доброе: Слава долготерпению Твоему, Господи! Слава человеколюбию Твоему, Владыко! Слава благости Твоей, Святый!

Когда забылся, спохватившись, говори: Не остави мене, Господи Боже мой, ниже отступи от мене: я отвратил духовные очи от Тебе, Ты, Создателю мой, не отврати лица Твоего от мене, призри на мя и помилуй мя.

Молитва за новопреставленную: Упокой, Господи, душу усопшей новопреставленной рабы Твоея (имя) и прости ей всякое согрешение вольное и невольное.

На благословение пищи и пития: Господи Иисусе Христе Боже наш, благослови нам пищу и питие молитвами Пречистыя Твоея Матери и всех святых Твоих, яко благословен еси во веки. Аминь. (Крестить пищу и питие)

Об избавлении от искушений (преподобного Симеона Нового Богослова): Не попусти на меня Владыко Господи, искушение, или скорбь, или болезнь свыше силы моей, но избавь от них, или даруй мне крепость перенести их с благодарением.

Когда нападет уныние или ожесточение сердца перед молитвой: Господи, нет у меня ни умиления, ни усердия, ни сокрушения, чтобы молиться достодолжно.

Об упокоении: Помяни, Господи, во Царствии Твоем Небесном, усопших раб Твоих (имена) и прости им вся согрешения и сподоби их вечной жизни.

За усопших (Молитва преподобного Антония Оптинского): Призри благосердием, Всепетая Богородице, на душу усопшего раба Твоего (имя) и моли Сына Твоего и Бога нашего грехов юности и неведения его не помянути и святыми Твоими и всесильными молитвами сподоби его со святыми в вечной славе царствовать, ибо Ты еси спасение рода христианского и Тебе дана благодать молиться за ны.

Молитва за болящего: Господи, сотвори, чтобы болезнь эта была в очищение многих грехов моих.

Молитва за заблудших: Господи! Просвети заблудших (имена), обрати их в Святую Церковь Твою и спаси их всесильною Твоею благодатию! Нас же в православии и истинной вере соблюди, яко благословен еси во веки веков. Аминь.

Молитва за детей: Владыко Господи Вседержителю, буди милостив к детям моим, приведи их к вере и спасению, сохрани их под кровом Твоим, покрый их от всякого лукаваго похотения, отжени от них всякого врага и супостата, отверзи им уши и очи сердечные, даруй умиление и смирение сердцам их.

Если кто непослушлив (старца Силуана Афонского): Господи, вразуми раба Твоего, Ты любишь его.

Молитва самоукорения: Господи! Видишь, как я согрешил(а), осуждаю других, вижу более чужие недостатки, нежели свои.

Когда во тьме греха: Помоги мне, Господи Боже мой, скоро помоги и не оставляй меня более в этой тьме греховной.

О даровании молитвы за обидящих: Даждь убо нам молитву о ненавидящих и обидящих нас, даждь Господи.

Худые мысли надо отгонять молитвой: Господи, помилуй мя, яко немощен есмь.

О скорбех надо говорить: Благо мне, яко смирил мя еси, Господи.

Когда идешь спрашивать духовного отца: Господи Боже мой! Сотвори со мною милость и внуши отцу дать мне ответ.

Чтобы сказать на пользу: Господи Иисусе Христе! Благослови слова сии и что нужно, внуши сказать к славе Твоей.

Завсе скорбное: Слава Тебе, Господи!

Во время оставления тебя благодатью Божией, при туге душевной: Ты, Господи, меня оставляешь за грехи, но я не отойду от Тебя и неотступно буду молить о помиловании.

В унынии: Господи, спаси мя погибающего(ую).

На кого скорбишь в гневе, искушениях: Спаси, Господи, и помилуй (имя) и ее святыми молитвами помози мне окаянному(ой) и грешному(ой).

О человеке, который оскорбил: Господи, святыми молитвами его даждь мне смирение и терпение.

О том, кто говорил худо о тебе: Господи, Иисусе Христе, помилуй сего брата и меня непотребного раба Твоего и покрый нас от лукаваго молитвами святых Твоих.

Господи, помоги мне исправиться.

Против вражьего страха: Господи, от страха вражьего изми душу мою.

На блудные помыслы: Помилуй мя, Господи, яко немощен есмь.

Во время искушения: Господи, избави мя от всякаго искушения.

При успехе в работе; и при радостном известии о чем-либо: Слава Тебе Боже, Слава Тебе Боже, Благодетелю мой, во веки веков.

При выходе из дома в путешествие или на работу (обращая лице к иконам): Господи, направи ко благу путь мой.

Проходя мимо Церкви, икон и Святаго Креста на пути: Господи, Иисусе Христе, Сыне Божий, помилуй мя грешного.

Против помыслов тщеславия и гордости: Господи Владыко Боже мой, дух тщеславия и гордыни отжени от мене: дух же смирения даруй мне рабу Твоему.

Когда видишь грехи ближнего: Господи, даждь ми зрети моя прегрешения и не осуждати ближнего моего.

Когда утопаешь в смущении помыслов: Господи, спаси мя, погибаю.

Когда в чем-то согрешил: Согрешил, Господи, прости; Матерь Божия, спаси мя; Святый Ангеле, сохрани мя.

Или ошибешься, или согрешишь: Оскорбила Тебя, Спасителя моего, прости меня.

Преподобный Симеон Новый Богослов: Помилуй меня, Владыко Господи, я хуже всех людей, хуже бессловесных гадов и зверей всех. Я более всех согрешил.

За благодетелей: Спаси, Господи, и помилуй раб Твоих, милующих и питающих нас. Избави их, Господи, от всякия скорби, гнева и нужды, от всякия болезни душевныя и телесныя, и прости им всякое согрешение вольное и невольное, и нас помилуй, милости Твоея ради, яко Благ и Человеколюбец.

Когда бывает на душе тяжело: Господи, молитвами моего духовника (имя) помилуй мя.

За клеветников и обидчиков: Господи, помилуй их, не ведят бо, что творят.

О прощении в худых помыслах: Владыко, Господи, прости мне, что я помыслил противное воле Твоей в ведении или неведении, ибо Твоя есть милость во веки.

О даровании сказать слово на пользу душе: Господи, что Тебе угодно для спасения души брата, подай мне: дабы и я мог сказать ему, и дабы сказал Твое слово, а не мое.

Молитва болящего: Господи, Ты видишь мою болезнь, Ты знаешь, как я грешен и немощен; помози мне терпеть и благодарить Твою благость.

Когда в недоумении: Господи, Ты видишь, Милостивый, что душа моя в недоумении, и я боюсь погрешить, вразуми мя, Господи.

Против страстей и возмущения: Господи, не могу противляться страстям сам собою. Пошли Твою помощь.

О молитве: Отец наш Небесный! Ты Сам научи нас молиться, имиже веси судьбами!

Молитва за гонителей и презрителей веры: Господи! Обрати к Тебе и сердца врагов наших, и, если не возможно уже ожесточенным обратиться, то положи преграду разливу зла их и защити от них избранных Твоих.

О даровании молитвы: Пресвятая Богородице! Даруй мне непрестанную молитву Иисусову.

Краткая молитва перед чтением Священного Писания: Молим Тебя, Господи, Источниче всякого просвещения, отверзи нам ум разумети Писания.

Молитва по прочтении Святаго Евангелия: Господи Иисусе Христе Сыне Божий мой, словесами Божественного Евангелия Твоего излей благодать Твою в сердце мое ко истреблению страстей и грехов моих и даруй мне силу ко исправлению во имя Отца и Сына и Святаго Духа. Аминь.

Молитва к Господу о даровании терпения: О дивный Создателю, Человеколюбивый Владыко, многомилостивый Господи! С сердцем сокрушенным и смиренным сице молю Тя: не возгнушайся грешного моления моего, нс отринь слез моих и воздыхания, услыши мене, якоже хананею, не презри мене, якоже блудницу, яви и на мне грешнем великую милость человеколюбия Твоего, ризою Твоею честною защити, помилуй и подкрепи мя, да вся посылаемая от Тебе беды и напасти со благодарением, в надежде вечных благ, претерплю; изряднее же печаль мою на радость претвори, да не в отчаяние впаду и погибну аз окаянный. Ты бо еси источник милости и непостыдная спасения нашего надежда, Христе Боже наш, и Тебе славу возсылаем, со безначальным Твоим Отцем и с Пресвятым и Благим и Животворящим Твоим Духом, ныне и присно и во веки веков. Аминь.

Подвижник Евстратий Глинский: Господи, даруй мне дух кротости, дабы быть кротким к ближним моим и воздержанным от гнева. Даруй мне дух смиренномудрия, дабы не думать о себе высоко и не гордиться.

Преподобный Амвросий Оптинский советовал чаще призносить слова: «Предзрех Господа предо мною выну, яко одесную мене есть, да не подвижуся».

Святой мученик Иоанн Тобольский: Боже мой, Господи! Ты всемогущ и желаешь чистоты души, будь милосерден, помоги мне грешному в точности исполнять учение Твое и тем достичь спасения.

Святой праведный Иоанн Кронштадтский: Господи, даруй мне сердце простое, незлобливое, открытое, верующее, любящее, щедрое, достойное вместилище Тебя, Всеблагого.

Когда на кого идут худые мысли: Господи Иисусе Христе Сыне Божий, помилуй нас грешных.

Молитва против рассеянности: Многомилостивый Господи! Собери рассеянный мой ум, дабы всегда стремился он к Тебе, Создателю моему.

Когда проезжаешь или проходишь селение (кладбище): Господи, спаси жителсй сих, и по молитвам их помилуй мя грешного.

Когда рассеянность и невнимание и нерадение: Рассеяный ум мой собери, Господи, и оледеневшее сердце очисти, яко Петру, дая мне покаяние, яко мытарю – воздыхание, и яко блуднице – слезы, да велием гласом зову Ти: Боже, спаси мя, яко Един Благоутробен и Человеколюбец.

Короткие молитвы

Не забуди меня, Господи, Тебя забывающего. (И воздохни о недостаточности веры и любви своей к Богу)

Господи Иисусе Христе! Покрый мя от языка моего.

Господи, мы поползновенны от юности. Ты освяти души наши, Ты освяти и наши мысли, слова наши, телеса наши.

Господи! Сподоби мя любити Тя от всея души моея и помышления, и творити во всем волю Твою! Господи! Даждь ми любовь нелицемерную.

Господи! Даждь ми положити начало благое. Иисусе Сыне Божий, помилуй мя. Заступнице моя Владычице, Пресвятая Богородице, спаси мя грешного.

Вси святии, молите Бога о мне грешном!

Святии Ангели Божии, молите Бога о мне грешном!

Господи, Боже мой, Создателю мой, Благодетелю мой, не остави мене, Ты мне помоги творити волю Твою, Ты просвети мои мысленные очи сердечные, Ты просвети тьму мою, яко Тобою избавлюся от искушения.

Сподоби мя Господи, любити Тя от всея души моея и помышления, и творити во всем волю Твою!

Господи, даждь ми смирение, терпение, незлобие, любовь нелицемерную.
Господи, души и телу моему буди Заступник.

Господи, яко Милосердный и Благий Человеколюбец, подаждь ми прощение грехов.

Господи Иисусе Христе, в день судный помилуй мя и благослови мя во вся дни живота моего.

Господи, сподоби мне умереть христианскою кончиною: не остави меня, Господи, на Страшном Суде Твоем, не лиши Царствия Небесного, Царица Небесная не остави мене.

Даруй мне, Господи, видеть грехи мои и оплакивать их.

Господи! Отпусти мне согрешения моя и не лиши меня Твоего милосердия, даруй мне победу на врага и на все страсти.

Господи, подаждь нам помощь к исправлению жизни нашей.

Преподобный отче Амвросие, моли Бога, да упокоит н души рабов Божиих (имена).

Владычице, приими молитвы раб Твоих за негодующих неверием (имена) и избави их от слепоты душевной, да узрят свет Веры Божественной, да сей обратятся в недра Матсри Церкви и избавятся всякия нужды и печали.

Господи, или словом, или делом, или помышлением согреших, прости мя.

Даруй мне, Господи, видеть грехи мои и оплакивать их.

Пресвятая Владычице Богородице! Сподоби мя при последнем издыхании причаститься Святых Таин Христовых.

Пресвятая Владычице Богородице! Сохрани мя от всякого зла и покрой мя честным Твоим омофором.

Не ввери мя человеческому предстательству, Пресвятая Владычице, но Сама заступи и помилуй меня!

Господи, или словом, или делом, или помышлением согреших во всей жизни моей, помилуй мя милости Твоея ради.

Господи Иисусе Христе Сыне Божий, благослови, освяти и сохрани мя силою Честнаго и Животворящего Твоего Креста и избави мя от всякаго зла.

Мати Божия, укрепи в нас правую веру, вложи в сердца наша дух страха Божия, дух благочестия, дух смирения, терпения и любви и в добрых делах преуспеяния.

Пресвятая Владычице, Дево Богородице, приими недостойную молитву пашу и сохрани нас от наглыя смерти и даруй нам прежде конца покаяние.

Пресвятая Владычице Богородице! Помоги мне во всех делах и избави от всякия нужды и печали.

Мати Божия, не остави меня грешную погрязнуть в нечувствии.
Господи, укрепи немощь мою и отврати очи мои от суеты и всего неполезного.

Господи, не дай мне возмечтать о себе, как бы о лучшем кого-либо из людей, но думать, как о худшем всех и никого не осуждать, а себя судить строго.

Страх Твой, Господи, всади в сердце мое.

Сподоби, Господи, в день сей без греха сохраниться нам. Даруй ми, Господи, да ни словом, ни делом, ни помышлением не прогневаю Тя, Создателя Моего, но вся дела моя, советы и помышления да будут во славу Пресвятого Имени Твоего.

Отец наш Небесный! Сжалься над нами грешными и дай нам силы исправиться и стать действительно детьми Твоими!

Иисусе Сладчайший, услади любовию Твоею сердце мое и спаси мя, имиже веси судьбами: но не дай мне быть изменником святому призванию Твоему.

Господи, избави от всякого неверия и подозрительности и покрой Божественною Твоею благодатию.

Сохрани нас, Господи, от участия грешных и дай нам терпение в искушениях.

Даруй мне, Господи, чтобы слова уст моих и помышления сердца моего были благоугодны пред Тобою.

Спаси и помилуй рабов Твоих (имена) и просвети их ум светом разума Евангелия Твоего, и настави их на стезю заповедей Твоих, и научи их, Спасе, творити волю Твою, яко Ты еси Бог наш, ибо Ты сказал: яко да видят ваша добрыя дела и прославят Отца вашего, Иже на небесех.

Иисусе Христе, вонми молитвам нашим.

Христе, услыши моления наша.

Ко пресвятой Деве Богородице

Святая Марие, моли за ны.

Святая Дево, паче дев молися за ны.

Мати Христова, молися за ны.

Мати Целомудреннейшая, молися за ны.

Мати Неврежденная, молися за ны.

Мати Непорочная, молися за ны.

Мати Любимая, молися за ны.

Мати Чудная, молися за ны.

Мати Создателя, молися за ны.

Мати Спасителя, молися за ны.

Мати Премудрая, молися за ны.

Дево Премудрая, молися за ны.

Дево чести достойная молися за ны.

Дево возвеличенная, молися за ны.

Дево Сильная, молися за ны.

Дево Благоутробная, молися за ны.

Дево Верная, молися за ны.

Зеркало истины, молися за ны.

Престоле премудрости, молися за ны.

Вино нашей радости, молися за ны.

Сосуде духовный, молися за ны.

Храме златый, молися за ны.

Кивоте завета, молися за ны.

Древе небесная, молися за ны.

Звездо утренняя, молися за ны.

Здравие немощных, молися за ны.

Утешение скорбных, молися за ны.

Пособствие христиан, молися за ны.

Царице Ангелов, молися за ны.

Царице патриархов, молися за ны.

Царице пророков, молися за ны.

Царице апостолов, молися за ны.

Царице мучеников, молися за ны.

Царице исповедников, молися за ны.

Царице всех святых, молися за ны.

Мати и Заступнице храма сего святого, молися за ны.

Конечная молитва: Многомилостивый и прещедрый Господи, рекший: просите и приимите; и аз надеяся тому словеси, понудихся проглаголати молитвы сии. Темже аще в которой молитве из грубых или со другом глаголя праздными беседами, или в помыслех, прости ми, и всегда угодно буди Твоему человеколюбию, и спаси мя раба Твоего по милости Твоей и даруй ми добродетели: смирение, любовь, кротость и рассудительность, да присно хвалю Тя до издыхания моего, ныне и присно и во веки веков. Аминь.

Конечная молитва: Господи, аще которую молитву без внимания прочитал и рассеялся в помыслах: прости и спаси мя по милости Твоей.

Источник

Краткий домашний Часослов

С вяты́й Бо́же, Святы́й Кре́пкий, Святы́й Безсме́ртный, поми́луй нас. (3 раза с поклонами)
С ла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Поклон.
П ресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Поклон.
Г о́споди, поми́луй. (3 раза)
С ла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
О́ тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. А ми́нь. Поклон.
Г о́споди, поми́луй или Г осподи Иисусе Христе, помилуй мя (12 раз). Поклон.

иерей Вадим Коржевский

Молитва после сна

Время совершения: 04:59-09:00

Просну́вшись и встав от одра́, начина́й свое́ моле́ние так:

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Молитва св. Макария Великого

От сна воста́в, у́треннюю песнь приношу́ Ти, Спа́се, и, припа́дая, вопию́ Ти: не даждь ми усну́ти во грехо́вней сме́рти, но уще́дри мя, распны́йся во́лею и лежа́щаго мя в ле́ности, ускори́в, возста́ви, и спаси́ мя в предстоя́нии и моли́тве, и по сне нощне́м возсия́й ми день безгре́шен, Христе́ Бо́же, и спаси́ мя.

Кто совершает утреню самостоятельно (вне храма), то здесь сразу читает «Сла́ва в вы́шних Бо́гу» и далее по чину (см. Утреня).

Если нет времени на совершение утрени, то вместо неё совершается 1-ый час, начиная сразу со стиха: Зау́тра услы́ши глас мой, Царю́ мой и Бо́же мой (см. Час первый).

У́треня

Время совершения: 05:00-09:00

Сла́ва в вы́шних Бо́гу, и на земли́ мир, в челове́цех благоволе́ние.

Го́споди, устне́ мои отве́рзеши, и уста́ моя́ возвестя́т хвалу́ Твою́.

Псало́м 62

Бо́же, Бо́же мой! К Тебе́ у́тренюю; возжада́ Тебе́ душа́ моя́, коль мно́жицею Тебе́ плоть моя́ в земли́ пу́сте, и непрохо́дне, и безво́дне! Та́ко во святе́м яви́хся Тебе́, ви́дети си́лу Твою́ и сла́ву Твою́: я́ко лу́чше ми́лость Твоя́ па́че живо́т. Устне́ мои́ похвали́те Тя; та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти, да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя: я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Пе́сни Тро́ичны, глас 5

Пе́нию вре́мя и моли́тве час, / приле́жно возопии́м Еди́ному Бо́гу: / Свят, Свят, Свят еси́, Бо́же наш:

Си́лою Креста́ Твоего́ сохрани́ мя, Го́споди.

С лава Отцу́, и Сы́ну, и Свято́му Ду́ху. О бразова́ти дерза́юще У́мная Твоя́ во́инства, / Тро́ице Безнача́льная, / усты́ недосто́йными вопие́м: / Свят, Свят, Свят еси́, Бо́же наш, моли́твами всех святы́х Твои́х поми́луй нас.

И ныне, и при́сно, и во ве́ки веко́в. Ами́нь. И́же в ложесна́ Деви́ческая вмести́выйся / и недр Оте́ческих не разлучи́выйся, / со А́нгелы и нас, Христе́ Бо́же, приими́, вопию́щих Ти: / Свят, Свят, Свят еси́, Бо́же наш, Богоро́дицею поми́луй нас.

Молитва ко Пресвятой Троице

От сна воста́в, благодарю́ Тя, Свята́я Тро́ице, яко, мно́гия ра́ди Твоея́ бла́гости и долготерпе́ния, не прогне́вался еси́ на мя, лени́ваго и гре́шнаго, ниже́ погуби́л мя еси́ со беззако́ньми мои́ми, но человеколю́бствовал еси́ обы́чно и, в неча́янии лежа́щаго, воздви́гл мя еси́, во е́же у́треневати и славосло́вити держа́ву Твою́. И ны́не просвети́ мои́ о́чи мы́сленныя, отве́рзи моя́ уста́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во испове́дании серде́чнем, и воспева́ти всесвято́е и́мя Твое́, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Молитва св. Макария Великого

К Тебе́, Влады́ко Человеколю́бче, от сна воста́в, прибега́ю, и на дела́ Твоя́ подвиза́юся милосе́рдием Твои́м, и молю́ся Тебе: помози́ ми на вся́кое вре́мя, во вся́кой ве́щи, и изба́ви мя от вся́кия мирски́я злы́я ве́щи и диа́вольскаго поспеше́ния, и спаси́ мя, и введи́ в Ца́рство Твое́ Ве́чное. Ты бо еси́ мой Сотвори́тель и вся́кому бла́гу Промы́сленник и Пода́тель, о Тебе́ же все упова́ние мое́, и Тебе́ сла́ву возсыла́ю, ны́не, и при́сно, и во ве́ки веко́в. Ами́нь.

Псало́м 50

Поми́луй мя, Бо́же, по вели́цей ми́лости Твое́й, и, по мно́жеству щедро́т Твои́х, очи́сти беззако́ние мое́. Наипа́че омы́й мя от беззако́ния моего́ и от греха́ моего́ очи́сти мя; я́ко беззако́ние мое́ аз зна́ю и грех мой предо мно́ю есть вы́ну. Тебе́, Еди́ному, согреши́х и лука́вое пред Тобо́ю сотвори́х; я́ко да оправди́шися во словесе́х Твои́х и победи́ши, внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом — и очи́щуся; омы́еши мя — и па́че сне́га убелю́ся. Слу́ху моему́ да́си ра́дость и весе́лие: возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу — дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Библе́йские пе́сни

Песнь 3

Утверди́ся се́рдце мое́ во Го́споде, вознесе́ся рог мой о Бо́зе мое́м, разшири́шася уста́ моя́ на враги́ моя́, возвесели́хся о спасе́нии Твое́м.

Я́ко не́сть свят, я́ко Госпо́дь, и несть пра́веден, я́ко Бог наш, и несть свят, па́че Тебе́.

Не хвали́теся и не глаго́лите высо́кая в горды́ни, ниже́ да изы́дет велере́чие из уст ва́ших.

Я́ко Бог ра́зумов – Госпо́дь, и Бог, уготовля́яй начина́ния Своя́.

Дая́й моли́тву моля́щемуся и благослови́ ле́та пра́веднаго.

Госпо́дь не́мощна сотвори́ супоста́та Его́, Госпо́дь — Свят.

Да не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.

Но о сем да хва́лится хваля́йся, е́же разуме́ти и зна́ти Го́спода и твори́ти суд и пра́вду посреде́ земли́.

Госпо́дь взы́де на небеса́ и возгреме́. Той су́дит конце́м земли́, Пра́веден сый.

И даст кре́пость царю́ на́шему, и вознесе́т рог христа́ Своего́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Песнь 8

Благослови́те, вся дела́ Госпо́дня, Го́спода.

Благослови́те, а́нгели Госпо́дни, небеса́ Госпо́дня, Го́спода.

Благослови́те, во́ды вся, я́же превыше небе́с, вся си́лы Госпо́дни, Го́спода.

Благослови́те, со́лнце и ме́сяц, зве́зды небе́сныя, Го́спода.

Благослови́те, вся пти́цы небе́сныя, зве́рие и вси ско́ти, Го́спода.

Благослови́те, сы́нове челове́честии, да благослови́т Израиль Го́спода.

Благослови́те, свяще́нницы Госпо́дни, раби́ Госпо́дни, Го́спода.

Благослови́те, ду́си и ду́ши пра́ведных, преподо́бнии и смире́ннии се́рдцем, Го́спода.

Благослови́те, Ана́ния, Аза́рия, Мисаи́л, Го́спода.

Благослови́те, апо́столи, проро́цы и му́ченицы Госпо́дни, Го́спода.

Благослови́м Отца́, и Сы́на, и Свята́го Ду́ха, Го́спода.

И ны́не, и при́сно, и во ве́ки веко́в. Ами́нь.

Песнь 9

Пресвято́й Богоро́дицы

Вели́чит душа́ Моя Го́спода, и возра́довася дух Мой о Бо́зе Спа́се Мое́м.

Я́ко призре́ на смире́ние Ра́бы Своея́, се бо, от ны́не ублажа́т Мя вси ро́ди.

Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.

Сотвори́ держа́ву мы́шцею Свое́ю, расточи́ го́рдыя мы́слию се́рдца их.

Низложи́ си́льныя со престо́л и вознесе́ смире́нныя, а́лчущия испо́лни благ и богатя́щияся отпусти́ тщи.

Восприя́т Изра́иля, о́трока Своего́, помяну́ти милости, я́коже глаго́ла ко отце́м на́шим, Авраа́му и се́мени его, да́же до ве́ка.

Св. Заха́рии

Благослове́н Госпо́дь Бог Изра́илев, я́ко посети́ и сотвори́ избавле́ние лю́дем Свои́м.

И воздви́же рог спасе́ния нам в дому́ Дави́дове, о́трока Своего́.

Я́коже глаго́ла усты́ святы́х, су́щих от ве́ка проро́к Его́: спа́сение от враг на́ших и из руки́ всех, ненави́дящих нас.

Сотвори́ти ми́лость со отцы́ на́шими и помяну́ти заве́т святы́й Свой.

Кля́тву, е́юже кля́тся ко Авраа́му, отцу́ на́шему, да́ти нам без стра́ха, из руки́ враг на́ших изба́вльшимся.

Служи́ти Ему́ преподо́бием и пра́вдою пред Ним вся дни живота́ на́шего.

И ты, отроча́, проро́к Вы́шняго нарече́шися, преды́деши бо пред лице́м Госпо́дним, угото́вати пути́ Его́.

Да́ти ра́зум спасе́ния лю́дем Его́ во оставле́ние грех их, милосе́рдия ра́ди ми́лости Бо́га на́шего.

В ни́хже посети́ нас Восто́к с высоты́, яви́тися во тьме и се́ни сме́ртней седя́щим.

Напра́вити но́ги на́ша на путь ми́рен.

Сла́ва Отцу́, и Сы́ну, и Свято́му Ду́ху.

И ны́не, и при́сно, и во ве́ки веко́в. Ами́нь.

Молитва по окончании библейской песни

Бо́же, Бо́же наш, у́мныя и слове́сныя соста́вивый си́лы Твое́ю во́лею! Молю́ Тя: приими́ мое́, по си́ле, славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: Еди́н бо еси́ Бог, И́стинный и Многоми́лостивый.

Псало́м 148

Хвали́те Го́спода с небе́с, хвали́те Его́ в вы́шних. Хвали́те Его́, вси ангели Его́, хвали́те Его́, вся си́лы Его́. Хвали́те Его́, со́лнце и луна́, хвали́те Его́, вся зве́зды и свет. Хвали́те Его́, Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́ — и бы́ша, Той повеле́ — и созда́шася. Поста́ви я в век и в век ве́ка, повеле́ние положи́ — и не ми́мо и́дет. Хвали́те Го́спода от земли́: ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́.

Псало́м 149

Воспо́йте Го́сподеви песнь но́ву: хвале́ние Его в це́ркви преподо́бных. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их, сотвори́ти отмще́ние во язы́цех, обличе́ния в лю́дех, связа́ти цари́ их пу́ты и сла́вныя их ручны́ми око́вы желе́зными, сотвори́ти в них суд напи́сан. Сла́ва сия́ бу́дет всем преподо́бным Его́.

Псало́м 150

Хвали́те Бо́га во святы́х Его́, хвали́те Его́ во утверже́нии си́лы Его́. Хвали́те Его́ на си́лах Его́, хвали́те Его́ по мно́жеству вели́чествия Его́. Хвали́те Его́ во гла́се тру́бнем, хвали́те Его́ во псалти́ри и гу́слех. Хвали́те Его́ в тимпа́не и ли́це, хвали́те Его́ во стру́нах и орга́не. Хвали́те Его́ в кимва́лех доброгла́сных, хвали́те Его́ в кимва́лех восклица́ния. Вся́кое дыха́ние да хва́лит Го́спода.

Славосло́вие у́треннее

Сла́ва в вы́шних Бо́гу, и на земли́ мир, в челове́цех благоволе́ние. Хвалю́ Тя, благословлю́ Тя, кла́няюся Тебе, славосло́влю Тя, благодарю́ Тя, вели́кия ра́ди сла́вы Твоея́. Го́споди Царю́ Небе́сный, Боже О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше! Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй мя. Взе́мляй грехи́ ми́ра, приими́ моли́тву мою́; Седя́й одесну́ю Отца́, поми́луй мя. Я́ко Ты еси́ Еди́н Свят, Ты еси́ Еди́н Госпо́дь, Иису́с Христо́с, во сла́ву Бо́га Отца́, ами́нь.

На всяк день благословлю́ Тя, и восхвалю́ и́мя Твое́ во ве́ки и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой. Я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би, Го́споди, в день сей без греха́ сохрани́тися мне. Благослове́н еси́, Го́споди Бо́же оте́ц на́ших, и хва́льно, и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на мя, я́коже упова́ю на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в, ами́нь.

Молитва к Ангелу Хранителю

Святы́й А́нгеле, предстоя́й окая́нной мое́й души́ и стра́стной мое́й жи́зни! Не оста́ви мене́, гре́шнаго, ниже́ отступи́ от мене́ за невоздержа́ние мое́. Не даждь ме́ста лука́вому де́мону облада́ти мно́ю, наси́льством сме́ртнаго сего́ телесе́. Укрепи́ бе́дствующую и худу́ю мою́ ру́ку и на́стави мя на путь спасе́ния. Ей, святы́й А́нгеле Бо́жий, храни́телю и покрови́телю окая́нныя моея́ души́ и те́ла! Вся мне прости́, ели́кими тя оскорби́х во вся дни жи́зни моея́, и а́ще что согреши́х в преше́дшую нощь сию́. Покры́й мя в настоя́щий день и сохрани́ мя от вся́каго искуше́ния проти́внаго, да ни в ко́ем гресе́ прогне́ваю Бо́га, и моли́ся за мя ко Го́споду: да утверди́т мя в стра́се Свое́м и досто́йна пока́жет мя раба́ Своея́ бла́гости. Ами́нь.

Молитва к празднуемому святому

Моли́ Бо́га о мне́, святы́й уго́дниче Бо́жий (имяре́к), я́ко аз усе́рдно к тебе́ прибега́ю, ско́рому помо́щнику и моли́твеннику о душе́ мое́й.

Молитва о живых

Спаси́, Го́споди, и поми́луй отца́ моего́ духо́внаго (имярек), роди́телей мои́х (имярек), сро́дников, нача́льников, наста́вников, благоде́телей (имярек) и всех правосла́вных христиа́н.

Молитва перед утренней трапезой

О́чи всех на Тя, Го́споди, упова́ют, и Ты дае́ши им пи́щу во благовре́мении: отверза́еши Ты ще́друю ру́ку Твою́ и исполня́еши вся́кое живо́тно благоволе́ния.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза) Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, благослови́ я́стие и питие́ рабо́м Твои́м, я́ко свят еси́ всегда́, ны́не, и при́сно, и во ве́ки веко́в, ами́нь.

По окончании трапезы

Благодари́м Тя, Христе́ Бо́же наш, я́ко насы́тил еси́ нас земны́х Твои́х благ! Не лиши́ нас и Небе́снаго Твоего́ Ца́рствия, но, я́ко посреде́ ученико́в Твои́х прише́л еси́, Спа́се, мир дая́ им, прииди́ и к нам и спаси́ нас.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза) Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Час пе́рвый

Время совершения: 05:00-09:00

Зау́тра услы́ши глас мой, Царю́ мой и Бо́же мой. (Поклон)

Стих 1: Глаго́лы моя́ внуши́, Го́споди, разуме́й зва́ние мое́.

Припев: Зау́тра услы́ши глас мой, Царю́ мой и Бо́же мой. (Поклон)

Стих 2: Я́ко к Тебе́ помолю́ся, Го́споди.

Припев: Зау́тра услы́ши глас мой, Царю́ мой и Бо́же мой. (Поклон)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Что Тя нарече́м, о Благода́тная? Не́бо? — я́ко возсия́ла еси́ Со́лнце пра́вды; Рай? — я́ко прозябла́ еси́ Цвет нетле́ния; Де́ву? — я́ко пребыла́ еси́ нетле́нна; Чи́стую Ма́терь? — я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и нау́чи мя оправда́нием Твои́м.

Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день — великоле́пие Твое́.

Молитва перед утренней трапезой

О́чи всех на Тя, Го́споди, упова́ют, и Ты дае́ши им пи́щу во благовре́мении: отверза́еши Ты ще́друю ру́ку Твою́ и исполня́еши вся́кое живо́тно благоволе́ния.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза) Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, благослови́ я́стие и питие́ рабо́м Твои́м, я́ко свят еси́ всегда́, ны́не, и при́сно, и во ве́ки веко́в, ами́нь.

По окончании трапезы

Благодари́м Тя, Христе́ Бо́же наш, я́ко насы́тил еси́ нас земны́х Твои́х благ! Не лиши́ нас и Небе́снаго Твоего́ Ца́рствия, но, я́ко посреде́ ученико́в Твои́х прише́л еси́, Спа́се, мир дая́ им, прииди́ и к нам и спаси́ нас.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза) Благослови́.

Молитва

Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный; и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере и всех Твои́х святы́х. Ами́нь.

Час тре́тий

Время совершения: 09:00-12:00

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Стих 1: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Припев: Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Стих 2: Не отве́ржи мене́ от лица́ Твоего́ и Ду́ха Твоего́ Свята́го не отыми́ от Мене́.

Припев: Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богоро́дице, Ты еси́ Лоза́ и́стинная, возрасти́вшая нам Плод живота́. Тебе́ мо́лимся: моли́ся, Влады́чице, со святы́ми апо́столы, поми́ловати ду́ши на́ша.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Молитва св. Мардария

Влады́ко Бо́же О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и, и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в. Ами́нь.

Час шесты́й

Время совершения: 12:00-15:00

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Стих 1: Внуши́, Бо́же, моли́тву мою́ и не пре́зри моле́ния моего́.

Припев: И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Стих 2: Аз к Бо́гу воззва́х, и Госпо́дь услы́ша мя.

Припев: И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Я́ко не и́мамы дерзнове́ния за премно́гия грехи́ на́ша, Ты И́же от Тебе́ Ро́ждшагося моли́, Богоро́дице Де́во! Мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.

Го́споди, поми́луй. (3 раза)

Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, благослови́ я́стие и питие́ рабо́м Твои́м, я́ко свят еси́ всегда́, ны́не, и при́сно, и во ве́ки веко́в, ами́нь.

Далее обеденная трапеза, по окончании которой читается:

Благослове́н Бог, ми́луяй и пита́яй нас от ю́ности на́шея, дая́й пи́щу вся́кой пло́ти. Испо́лни ра́дости и весе́лия сердца́ на́ша; да, всегда́ вся́кое дово́льство иму́ще, преизоби́луем во вся́кое де́ло благо́е, во Христе́ Иису́се, Го́споде на́шем, с Ни́мже Тебе́ сла́ва подоба́ет, держа́ва, честь и поклоне́ние, со Святы́м Ду́хом, во ве́ки. Ами́нь.

Сла́ва Тебе́, Го́споди, сла́ва Тебе́, Святы́й, сла́ва Тебе́, Царю́, я́ко дал еси́ нам бра́шна в весе́лие! Испо́лни нас и Ду́ха Свята́го, да обря́щемся пред Тобо́ю благоуго́дни и непосты́дни, егда́ возда́си кому́ждо по дело́м его́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза) Благослови́.

Молитва св. Василия Великого

Бо́же и Го́споди сил и всея́ тва́ри Соде́телю, И́же, за милосе́рдие безприкла́дныя ми́лости Твоея́, Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и Честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех, озло́бити нас и́щущих, ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша; да, к Тебе́ всегда́ взира́юще и е́же от Тебе́ све́том наставля́еми, Тебе́, Непристу́пнаго и Присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в, ами́нь.

Час девя́тый

Время совершения: 15:00-18:00

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Стих 1: Да прибли́жится моле́ние мое́ пред Тя, Го́споди, по словеси́ Твоему́ вразуми́ мя.

Стих 2: Да вни́дет проше́ние мое́ пред Тя, Го́споди, по словеси́ Твоему́ изба́ви мя.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Молитва св. Василия Великого

Вече́рня

Время совершения: 18:00-20:00

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Молитва св. Василия Великого

Благослове́н еси́, Влады́ко Вседержи́телю, просвети́вый день све́том со́лнечным и нощь уясни́вый заря́ми о́гненными, е́же долготу́ дне прейти́ нам сподо́бил еси́ и прибли́житися нача́лом но́щи. Услы́ши моле́ние мое и всех люде́й Твои́х и всех нас прости́ во́льная и нево́льная согреше́ния. Приими́ вече́рняя моя моле́ния и низпосли́ мно́жество ми́лости Твоея́ и щедро́т Твои́х на достоя́ние Твое́. Остени́ нас святы́ми Твои́ми а́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же мне и настоя́щий ве́чер с приходя́щею но́щию соверше́н, свят, ми́рен, безгре́шен, безбла́знен, безмечта́нен и вся дни жизни на́шея, моли́твами Cвяты́я Богоро́дицы и всех святы́х, от ве́ка благоугоди́вших, ами́нь.

После молитвы перед иконой Спасителя возжигается светильник со словами: Свет Христо́в просвеща́ет всех!

И после этого поется: Све́те Ти́хий святы́я Сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́. Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пе́т бы́ти гла́сы преподо́бными, Сы́не Бо́жий, живот дая́й — те́мже мир Тя сла́вит.

Славосло́вие вечернее

Сподо́би, Го́споди, в ве́чер сей без греха́ сохрани́тися мне. Благослове́н еси́, Го́споди Бо́же оте́ц на́ших, и хва́льно, и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на мя, я́коже упова́ю на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.

Тропари

Апостоли святии,/ молите Милостиваго Бога,/ да прегрешений оставление// подаст душам нашим.

Тропарь святителя, глас 4:

Правило веры и образ кротости,/ воздержания учителя/ яви тя стаду твоему/ Яже вещей Истина./ Сего ради стяжал еси смирением высокая,/ нищетою богатая,/ отче священноначальниче Николае,/ моли Христа Бога,// спастися душам нашим.

Тропарь святителю Иоанну Милостивому, глас 8
В теpпе́нии твое́м стяжа́л еси́ мзду́ твою́, о́тче пpеподо́бне,/ в моли́твах непpеста́нно теpпе́вый,/ ни́щия возлюби́вый и сия́ удовли́вый,/ но моли́ся Хpисту́ Бо́гу, Иоа́нне ми́лостиве, блаже́нне,// спасти́ся душа́м на́шим.

Тропарь преподобному Нилу Постнику, глас 8
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Ни́ле, о́тче наш,// моли́ Христа́ Бо́га спасти́ся душа́м на́шим.

Тропарь блаженному Иоанну Власатому, Ростовскому чудотворцу, глас 8
Яви́лся еси́ во гра́де, я́ко в пусты́ни,/ в смиренному́дрии, чистоте́, и в труде́х, и по́двизех, и в терпе́нии мно́зе, преблаже́нне о́тче Иоа́нне,/ Взем бо крест Христо́в, после́дова Ему́/ и бе в моли́твах и псалмопе́нии день и нощь/ иноязы́чнаго рече́ния о спасе́нии всего́ ми́ра христиа́нскаго ро́да,/ и пресели́лся еси́ к Невече́рнему Све́ту./ Ны́не же ко гро́бу твоему́ ве́рни приходя́щии,/ моля́ся Го́сподеви, Богоро́дице и Предте́чи,/ прие́млют исцеле́ния моли́твами твои́ми./ Но при́сно за ны моли́ся, блаже́нне о́тче Иоа́нне,// спасти́ся душа́м на́шим.

Ин тропарь блаженному Иоанну Власатому, Ростовскому чудотворцу, глас 4
Яви́лся еси́ во гра́де, я́ко в пусты́ни, /смиренному́дрием и чистото́ю/ и, взем крест Христо́в, после́дова Ему́/ в труде́х, и по́двизех, и в терпе́нии мно́зе, преблаже́нне о́тче Иоа́нне./ И ны́не моли́ о нас, соверша́ющих па́мять твою́/ и усе́рдно притека́ющих к ра́це моще́й твои́х,// изба́витися от бед и душа́м на́шим пода́ти ве́лию ми́лость.

Тропарь преподобному Нилу Мироточивому, Афонскому, глас 1
Мона́шествовав богоуго́дно в Горе́ Афо́нстей,/ в моли́твах и посте́х Бо́га взыска́л еси́/ и стал еси́ прия́телище чи́стое Ду́ха,/ облистава́я ве́рным доброде́телей лучи́,/ и́миже осиява́еши, Ни́ле, вопию́щих тебе́:/ сла́ва просла́вльшему тя Бо́гу,/ сла́ва Венча́вшему тя,// сла́ва Де́йствующему тобо́ю всем исцеле́ния.

Тропарь Пресвятой Богородице пред иконой Ея, именуемой «Милостивая», глас 1
Притеце́м, лю́дие, со дерзнове́нием к Ми́лостивей Цари́це Богоро́дице, и умиле́нно воззове́м к Не́й: ниспосли́, Влады́чице, ми́лости Твоя́ бога́тыя, сохраня́я во здра́вии и благоде́нствии гре́шныя рабы́ Твоя́. Боля́щия исцели́, скорбя́щия уте́ши и бе́дствующим помози́. И сподо́би на́с, Преми́лостивая, благоче́стно житие́ сие́ земно́е сконча́ти, христиа́нскую непосты́дную кончи́ну получи́ти и Небе́сное Ца́рствие унасле́довати. Гра́д на́ш изба́ви от вся́каго зла́го обстоя́ния, огражда́я Твои́м ми́лостивым заступле́нием. Ми́рови ми́р да́руй и спасе́ние душа́м на́шим испроси́.

Богоро́дице Де́во, ра́дуйся, Благода́тная Мари́е! Госпо́дь с Тобо́ю; благослове́нна Ты в жена́х, и благослове́н Плод чре́ва Твоего́, я́ко Спа́са родила́ еси́ душ на́ших.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Перед трапезой:

Ядя́т убо́зии и насы́тятся, и восхва́лят Го́спода взыска́ющии Его́, жива́ бу́дут сердца́ их в век ве́ка.

Го́споди, поми́луй. (3 раза) Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, благослови́ я́стие и питие́ рабо́м Твои́м, я́ко свят еси́, всегда́, ны́не, и при́сно, и во ве́ки веко́в, ами́нь.

По окончании трапезы:

Бысть чре́во Твое́ Свята́я Трапе́за, иму́щая Небе́снаго Хле́ба, Христа́ Бо́га на́шего, от Него́же всяк яды́й не умира́ет, я́коже рече́ всех, Богороди́тельнице, Пита́тель.

Возвесели́л ны еси́, Го́споди, в творе́ниих Твои́х, и в де́лех руку́ Твое́ю возра́дуемся.

Зна́менася на нас свет лица́ Твоего́, Го́споди, дал еси весе́лие в се́рдце мое́м, от плода́ пшени́цы, вина́ и еле́а своего́ умно́жишася. В ми́ре вку́пе усну́ и почи́ю, я́ко Ты, Го́споди, еди́наго на упова́нии всели́л мя еси́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Го́споди, поми́луй. (3 раза) Благослови́.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь

Повече́рие

Время совершения: 20:00-22:00

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Молитва

Го́споди Бо́же наш, в Него́же ве́ровахом и Его́же и́мя па́че вся́каго и́мене призыва́ем! Даждь нам, ко сну отходя́щим, осла́бу души́ и те́лу, и соблюди́ нас от вся́каго мечта́ния и те́мныя сла́сти кроме́; уста́ви стремле́ние страсте́й, угаси́ разжже́ние восста́ния теле́снаго; даждь нам целому́дренне пожи́ти де́лы и словесы́: да, добродете́льное жи́тельство восприе́млюще, обетова́нных не отпаде́м благи́х Твои́х, я́ко благослове́н еси́ во ве́ки. Ами́нь.

Молитва ина́я, св. Иоа́нна Дамаскина́

Тропари

Сла́ва Отцу́, и Сы́ну, и Свято́му Ду́ху: Засту́пник души́ моея́ бу́ди, Бо́же, я́ко посреде́ хожду́ сете́й мно́гих; изба́ви мя от них и спаси́ мя, Бла́же, я́ко Человеколю́бец.

И ны́не, и при́сно, и во ве́ки веко́в. Ами́нь: Пресла́вную Бо́жию Ма́терь и святы́х а́нгел святе́йшую немо́лчно воспои́м се́рдцем и усты́, Богоро́дицу сию́ испове́дающе, я́ко вои́стинну ро́ждшую нам Бо́га воплоще́нна и моля́щуюся непреста́нно о душа́х на́ших.

Вместо этих тропарей можно употреблять тропари малого повечерия, в соответствии с днями седмицы (см. Канонник)

Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым — да исче́знут; я́ко та́ет воск от лица́ огня́ — та́ко да поги́бнут бе́си от лица́ лю́бящих Бо́га, и зна́менующихся кре́стным зна́мением, и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего, Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́, Крест Свой Честны́й, на прогна́ние вся́каго супоста́та. О, Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.

Пресла́вная Присноде́во, Ма́ти Христа́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́т Тобо́ю ду́ши на́ша.

Упова́ние мое́ — Оте́ц, прибе́жище мое́ — Сын, покро́в мой — Дух Святы́й; Тро́ице Свята́я, сла́ва Тебе́! Аминь.

Повседневное исповедание грехов

Испове́даю Тебе́, Го́споду Бо́гу моему́ и Творцу́, во Святе́й Тро́ице Еди́ному, сла́вимому и поклоня́емому, Отцу́, и Сы́ну, и Свято́му Ду́ху, вся моя́ грехи́, я́же соде́ях во вся дни живота́ моего, и на вся́кий час, и в настоя́щее вре́мя, и в преше́дшия дни и но́щи, де́лом, сло́вом, помышле́нием (и зде совершается перечисление грехов, совершенных днем) и все́ми мои́ми чу́вствы: зре́нием, слу́хом, обоня́нием, вку́сом, осяза́нием и про́чими мои́ми грехи́, душе́вными вку́пе и теле́сными, и́миже Тебе́, Бо́га моего́ и Творца́, прогне́вах и бли́жняго моего́ онепра́вдовах. О сих жале́я, ви́нна себе́ Тебе́, Бо́гу моему́, представля́ю и име́ю во́лю ка́ятися. То́чию, Го́споди Бо́же мой, помози́ ми, со слеза́ми смире́нно молю́ Тя: преше́дшая же согреше́ния моя́ милосе́рдием Твои́м прост́и ми и разреши́ от всех сих, я́же изглаго́лах пред Тобо́ю, я́ко Благ и Человеколю́бец.

Молитва св. Антиоха

И даждь мне, Влады́ко, на сон гряду́щему, поко́й те́ла и души́; и сохрани́ мя от мра́чнаго сна грехо́внаго и от вся́каго те́мнаго и нощна́го сладостра́стия; укроти́ стремле́ния страсте́й, угаси́ разжже́нныя стре́лы лука́ваго, я́же на мя льсти́вно дви́жимыя; пло́ти моея́ восста́ния утоли́ и вся́кое земно́е и веще́ственное мое́ мудрова́ние успи́. И да́руй мне, Бо́же, бодр ум, целому́др по́мысл, се́рдце трезвя́щееся, сон лего́к и вся́каго сатанина́ мечта́ния измене́н. Возста́ви же мя во вре́мя моли́твы утвержде́на в за́поведех Твои́х и па́мять суде́б Твои́х в себе́ тве́рду иму́ща. Полуно́щное славосло́вие мне да́руй, во е́же пе́ти, и благослови́ти, и сла́вити пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не, и при́сно, и во ве́ки веко́в, ами́нь.

Полу́нощница вседне́вная

Время совершения: 22:00-00:00

Время совершения: с воскресения по четверг, перед сном (с 22:00 до 24:00)

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Молитва

Осла́би, оста́ви, прости́, Бо́же, прегреше́ния на́ша, во́льная и нево́льная, я́же в сло́ве и в де́ле, я́же в ве́дении и не в ве́дении, я́же во дни и в нощи́, я́же во уме́ и в помышле́нии: вся нам прости́, я́ко Благ и Человеколю́бец.

Испове́дание правосла́вныя ве́ры

Ве́рую во Еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во Еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с, и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день, по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во Еди́ну Святу́ю Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых и жи́зни бу́дущаго ве́ка. Ами́нь.

Та́же тропари́, глас 8:

Се Жени́х гряде́т в полу́нощи, и блаже́н раб, его́же обря́щет бдя́ща; недосто́ин же па́ки, его́же обря́щет уныва́юща. Блюди́ у́бо, душе́ моя́: не сном отяготи́ся, да не сме́рти предана́ бу́деши и Ца́рствия вне затвори́шися, но воспряни́, зову́щи: Свят, Свят, Свят еси́, Бо́же, Богоро́дицею поми́луй нас.

Сла́ва Отцу́, и Сы́ну, и Свято́му Ду́ху. День он стра́шный помышля́ющи, душе́ моя́, побди́, вжига́ющи свещу́ свою́, еле́ем просвеща́ющи; не ве́си бо, когда́ прии́дет к тебе́ глас, глаго́лющий: се Жени́х! Блюди́ у́бо, душе́ моя́: да не воздре́млеши и пребу́деши вне толку́щи, я́ко пять дев, но бо́дренно пожди́, да усря́щеши Христа́ еле́ем масти́тым, и даст ти черто́г Боже́ственный сла́вы Своея́.

И ны́не, и при́сно, и во ве́ки веко́в. Ами́нь. Тебе́, Необори́мую Сте́ну, спасе́ния утвержде́ние, Богоро́дице Де́во, мо́лим: сопроти́вных сове́ты разори́, люде́й Твои́х печа́ль на ра́дость преложи́, град Твой огради́, о ми́ре мира моли́, я́ко Ты еси́, Богоро́дице, упова́ние на́ше.

Молитва св. Василия Великаго

Го́споди Вседержи́телю, Бо́же сил и вся́кия пло́ти, в вы́шних живы́й и на смире́нныя призира́яй, сердца́ же и утро́бы испыту́яй и сокрове́нная челове́ков я́ве предве́дый, Безнача́льный и Присносу́щный Све́те, у Него́ же несть премене́ния или́ преложе́ния осене́ние. Сам, Безсме́ртный Царю́, приими́ моле́ния на́ша, я́же в настоя́щее вре́мя, на мно́жество Твои́х щедро́т дерза́юще, от скве́рных к Тебе́ усте́н твори́м. И оста́ви нам прегреше́ния на́ша, я́же де́лом, и сло́вом, и мы́слию, ве́дением или́ неве́дением согреше́нная на́ми; и очи́сти ны от вся́кия скве́рны пло́ти и ду́ха. И да́руй нам бо́дренным се́рдцем и тре́звенною мы́слию всю настоя́щаго жития́ нощь прейти́, ожида́ющим прише́ствия све́тлаго и явле́ннаго Дне Единоро́днаго Твоего́ Сы́на, Го́спода, и Бо́га, и Спа́са на́шего Иису́са Христа́, в о́ньже со сла́вою Судия́ всех прии́дет, кому́ждо отда́ти по дело́м его́. Да не па́дше и облени́вшеся, но, бо́дрствующе и воздви́жени в де́лание, обря́щемся гото́ви, в ра́дость и Боже́ственный черто́г сла́вы Его́ совни́дем, иде́же пра́зднующих глас непреста́нный и неизрече́нная сла́дость зря́щих Твоего́ лица́ добро́ту неизрече́нную. Ты бо еси́ и́стинный Свет, просвеща́яй и освяща́яй вся́ческая, и Тя пое́т вся тварь во ве́ки веко́в, ами́нь.

Молитва ина́я:

Ненави́дящих и оби́дящих нас прости́, Го́споди Человеколю́бче. Благотворя́щим — благосотвори́. Бра́тиям и сро́дником на́шим да́руй я́же ко спасе́нию проше́ния и жизнь ве́чную. В не́мощех су́щия посети́ и исцеле́ние да́руй. И́же на мо́ри — управи. Путеше́ствующим — спутеше́ствуй. Правосла́вным христиа́ном — спобо́рствуй. Служа́щим и ми́лующим нас грехо́в оставле́ние да́руй. Запове́давших нам, недосто́йным, моли́тися о них, поми́луй, по вели́цей Твое́й ми́лости. Помяни́, Го́споди, пре́жде усо́пших (имярек) и упоко́й их, иде́же присеща́ет свет лица́ Твоего́. Помяни́, Го́споди, в темни́цах заключе́нных и изба́ви я́ от вся́каго обстоя́ния. Помяни́, Го́споди, плодонося́щих и доброде́лающих во святы́х Твои́х це́рквах и даждь им я́же ко спасе́нию проше́ния и жизнь ве́чную. Помяни́, Го́споди, и нас, смире́нных, и гре́шных, и недосто́йных раб Твои́х, и просвети́ наш ум све́том ра́зума Твоего́, и наста́ви нас на стезю́ за́поведей Твои́х, моли́твами Пречи́стыя Влады́чицы на́шея, Богоро́дицы и Присноде́вы Мари́и, и всех Твои́х святы́х, я́ко благослове́н еси во ве́ки веко́в. Ами́нь.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Молитва св. Мардария

Влады́ко Бо́же О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и, и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

Когда отходишь ко сну, произноси: В ру́це Твои́, Го́споди Иису́се Христе́, Бо́же мой, предаю́ дух мой: Ты же мя благослови́, Ты мя поми́луй и жизнь ве́чную да́руй ми. Ами́нь.

Источник